काठमाडौं, नेपाली । नेपाली सांगीतिक क्षेत्रमा सक्रिय गायक तथा सर्जक बियोन्डको नयाँ गीत 'झिम झिम' सार्वजनिक भएको छ । शनिबार काठमाडौंमा आयोजित एक विशेष समारोहका बीच एफएसडी फिल्मस्को प्रस्तुतिमा निर्माण भएको उक्त गीतको भिडियो औपचारिक रूपमा सार्वजनिक गरिएको हो । सार्वजनिक भएसँगै गीतले दर्शक तथा संगीतप्रेमीमाझ सकारात्मक प्रतिक्रिया पाउन थालेको छ ।
प्रेम र युवा भावनाको समिश्रण
सार्वजनिक गीतमा शब्द रचना स्वयं बियोन्डकै रहेको छ भने संगीत संयोजन ब्रिजेश श्रेष्ठले गरेका हुन् । आधुनिक स्वाद र रोमान्टिक शैलीको समिश्रण रहेको यस गीतले प्रेम, अनुभूति र समकालीन युवापुस्ताको भावनालाई आकर्षक ढंगले प्रस्तुत गरेको निर्माण पक्षले जनाएको छ ।
कलात्मक भिडियो र उत्कृष्ट अभिनय
गीतको भिडियोलाई निर्देशक पी माधवले निर्देशन गरेका हुन्, जसमा आकर्षक दृश्य संयोजन र कलात्मक प्रस्तुति देख्न सकिन्छ । कोरियोग्राफर दीपिका तामाङको नृत्य निर्देशन (कोरियोग्राफी) ले भिडियोलाई अझ जीवन्त बनाएको छ । भिडियोमा गायक बियोन्ड स्वयं र मोडल निशा श्रेष्ठको मुख्य अभिनय रहेको छ । उनीहरूको अनस्क्रिन केमेस्ट्री र जीवन्त अभिनयले गीतको भावलाई प्रभावकारी रूपमा प्रस्तुत गरेको दर्शकहरूको प्रतिक्रिया छ ।
मजबुत प्राविधिक पक्ष
प्राविधिक रूपमा पनि यो भिडियो निकै उत्कृष्ट र मजबुत बनेको छ । भिडियोका डिओपी (DOP) विवेक मगर हुनुहुन्छ भने छायांकन योन्जनले गरेका हुन् । त्यस्तै, दृश्य सम्पादनको जिम्मेवारी सोवित मगरले निभाएका हुन् । भिडियोमा प्रयोग गरिएको दृश्य संयोजन, रंग संयोजन (Color Grading) तथा सम्पादन शैलीले गीतलाई आधुनिक र स्तरीय बनाएको छ ।
भव्य विमोचन समारोह
गीत सार्वजनिक कार्यक्रममा कला, संगीत तथा सञ्चार क्षेत्रका प्रतिष्ठित व्यक्तित्वहरूको बाक्लो उपस्थिति रहेको थियो । पुनम अग्रवालको सभापतित्वमा सम्पन्न उक्त कार्यक्रममा प्रमुख अतिथिका रूपमा हाकिमको उपस्थिति रहेको था । कार्यक्रमका वक्ताहरूले नेपाली संगीत क्षेत्रमा नयाँ पुस्ताले सिर्जनात्मक र गुणस्तरीय काम गरिरहेको चर्चा गर्दै 'झिम झिम' गीतले श्रोता-दर्शकको मन जित्ने विश्वास व्यक्त गरे ।
कार्यक्रममा बोल्दै गायक बियोन्डले नेपाली संगीत क्षेत्रमा फरक स्वाद र शैलीको काम गर्ने आफ्नो प्रयास निरन्तर जारी रहने बताए । दर्शक तथा स्रोताबाट प्राप्त साथ र मायाले आफूलाई थप उत्साहित बनाएको उल्लेख गर्दै उनले आगामी दिनमा अझ उत्कृष्ट सिर्जनाहरू लिएर आउने प्रतिवद्धता जनाए ।
नयाँ गीत 'झिम झिम' को भिडियो अहिले विभिन्न डिजिटल प्लेटफर्म र युट्युबमार्फत दर्शक तथा श्रोताका लागि उपलब्ध गराइएको छ । उत्कृष्ट शब्द, संगीत, अभिनय र दृश्य प्रस्तुतिको सुन्दर संयोजनका कारण यो गीत समकालीन नेपाली संगीत बजारमा एउटा सफल प्रस्तुति बन्ने अपेक्षा गरिएको छ ।
