- एनआरएनए क्यानाडाका मानसिक स्वास्थ्य संयोजक राजन छात्कुलीलाई सीमान्तकृत समुदायको सशक्तीकरण र निस्वार्थ सेवाका लागि 'कम्युनिटी च्याम्पियन अवार्ड' प्रदान गरिएको छ।
- छात्कुलीले क्यानाडामा रहेका नेपालीहरूको मानसिक स्वास्थ्य प्रवर्द्धन, सचेतना अभिवृद्धि र सामाजिक एकता सुदृढीकरणमा महत्वपूर्ण भूमिका निर्वाह गर्दै आउनुभएको छ।
- उत्कृष्ट सेवाको कदरस्वरूप उहाँलाई आगामी २४ जुन २०२६ मा 'फ्यामिली एण्ड चिल्ड्रेन्स सर्भिसेस बोर्ड मेरिट अवार्ड' बाट समेत सम्मानित गरिने भएको छ।
- उहाँको नेतृत्व र समर्पणले बहुसांस्कृतिक क्यानाडेली समाजमा प्रेरणा जगाउनुका साथै सामाजिक सेवामा लाग्न अरूलाई समेत प्रोत्साहित गरेको छ।
क्यानाडा । गैरआवासीय नेपाली संघ (एनआरएनए) क्यानाडाका मानसिक स्वास्थ्य परामर्श संयोजक राजन छात्कुली लाई कम्युनिटी च्याम्पियन अवार्ड प्रदान गरिएको छ।
छात्कुलीले सीमान्तकृत समुदायको सशक्तीकरण, मानसिक स्वास्थ्य प्रवर्द्धन तथा निस्वार्थ सामाजिक सेवामार्फत उल्लेखनीय योगदान पुर्याउँदै आउनुभएको छ। नेपालबाट क्यानाडामा बसोबास गर्न पुगेका नेपाली समुदायका सदस्यहरूलाई सहयोग पुर्याउनुका साथै उहाँले आफ्नो कार्यक्षेत्रमार्फत विभिन्न समुदायमा समेत महत्वपूर्ण सेवा र सहकार्य प्रदान गर्दै आउनुभएको छ।
मानसिक स्वास्थ्यसम्बन्धी सचेतना अभिवृद्धि, सामाजिक एकता सुदृढीकरण तथा समुदायमुखी सेवामा उहाँले निर्वाह गर्नुभएको सक्रिय भूमिकाको उच्च मूल्याङ्कन गर्दै सम्बन्धित निकायहरूले उहाँलाई उक्त सम्मान प्रदान गरेका हुन्।
त्यसैगरी, समुदाय सेवामा पुर्याउनुभएको उत्कृष्ट योगदानको कदरस्वरूप उहाँ आगामी २४ जुन २०२६ मा मिनिस्ट्री अफ चिल्ड्रेन्स सर्भिसेसअन्तर्गत फ्यामिली एण्ड चिल्ड्रेन्स सर्भिसेस (एफ एन्ड सीएस) बोर्ड मेरिट अवार्ड बाट समेत सम्मानित हुन लाग्नुभएको छ।
समुदायप्रतिको समर्पण, नेतृत्व क्षमता र सेवाभावका कारण छात्कुली नेपाली समुदायका साथै बहुसांस्कृतिक क्यानाडेली समाजमा समेत प्रेरणाका स्रोत बन्न सफल हुनुभएको छ। उहाँलाई प्राप्त यी सम्मानहरूले सामाजिक सेवामा समर्पित व्यक्तित्वहरूको योगदानलाई थप उजागर गर्नुका साथै समुदाय सेवाप्रति अन्य व्यक्तिलाई समेत प्रेरित गर्ने विश्वास गरिएको छ।
